Təhsildə Keyfiyyət Təminatı Agentliyi - TKTA

Təhsildə Keyfiyyət Təminatı Agentliyi və “DABLY” MMC arasında qeyri-formal və informal təhsilin tanınması üzrə müqavilə imzalanıb.

Əməkdaşlıq çərçivəsində Qiymətləndirmə Komissiyasına işəgötürən nümayəndəsi olaraq “DABLY” MMC-nin təsisçisi və direktoru Leyli Zalova cəlb edilmiş və eyni zamanda sözügedən müəssisənin istehsalat bazasında müvafiq peşə ixtisası üzrə imtahanların təşkil olunması ilə əlaqədar razılıq əldə edilib

Qurulan əməkdaşlığın əsas məqsədi sözügedən fəaliyyət istiqaməti üzrə əmək bazarından ixtisaslı kadrların prosesə cəlb edilməsi, imtahan prosesində təşkilati dəstək göstərilməsi və dövlət-özəl tərəfdaşlığının gücləndirilməsidir.

Qeyd edək ki, cari ildə qiymətləndirilməsi və tanınması həyata keçirilən ixtisaslar üzrə əməkdaşlıq etmək istəyən müəssisələr info@tkta.edu.az elektron ünvanından və yaxud yazılı formada rəsmi müraciət edə bilərlər.

Məlumat üzrə qeyd edək ki, Agentlik cari ildə adları aşağıda əlavə olunmuş ixtisaslar üzrə qiymətləndirmə və tanınmanı həyata keçirir:

Bərbər
Bağban-dekorator
Qənnadçı-şirniyyatçı
Tikiş avadanlıqlarının operatoru, tikişçi
Baytar texniki
Mobil telefonların təmiri ustası
Plastik boru qaynaqçısı
Ərzaq və qeyri-ərzaq mallarının satıcısı, nəzarətçi-xəzinədar
Elektrik qaz qaynaqçısı
Turizm sahəsində iaşə üzrə mütəxəssis
Avtomobillərin təmiri üzrə çilingər
Aşpaz