Image alternative text, required
TKTA ilə “Toyota Absheron Centre” MMC arasında əməkdaşlıq müqaviləsi imzalanıb
Title

Təhsildə Keyfiyyət Təminatı Agentliyində “Avtomobillərin təmiri çilingəri” peşə ixtisası üzrə vətəndaşların qeyri-formal və informal təhsil yolu ilə əldə etdikləri bilik, bacarıq, səriştə və təcrübələrin tanınması məqsədilə “Toyota Absheron Centre” MMC ilə əməkdaşlıq müqaviləsi imzalanıb.

 

Əməkdaşlığın əsas məqsədi müvafiq ixtisasın tanınması üzrə keçiriləcək praktiki imtahanlar üçün istehsalat sahəsinin ayrılması, həmçinin,  imtahanda istifadəsi zəruri olan alət, material və avadanlıqların, işlək vəziyyətdə olan maddi-texniki bazanın təmin edilməsidir.  

 

Praktiki bacarıqların nümayiş olunacağı istehsalat sahələrinə qoyulan tələb və standartlara uyğun gələn “Toyota Absheron Centre” MMC-nin texniki dəstəyi ilə Agentlik “Avtomobillərin təmiri çilingəri” ixtisası üzrə formal təhsilə çıxış imkanı məhdud olan vətəndaşların təhsil haqda müvafiq sənəd əldə etməsinə və cəmiyyətin bu prosesdən daha səmərəli şəkildə faydalanmasına öz töhvəsini verəcəkdir.