Təhsildə Keyfiyyət Təminatı Agentliyi tərəfindən “Tikiş avadanlıqlarının operatoru, tikişçi” peşə ixtisası üzrə qeyri-formal və informal yollarla əldə edilmiş bacarıq, səriştə və təcrübələrin qiymətləndirilməsi həyata keçirilib.
Qiymətləndirmə Komissiyasına işəgötürən nümayəndəsi olaraq “DABLY” MMC-nin təsisçisi və direktoru Leyli Zalova, sahə üzrə müstəqil ekspert qismində isə Mədəniyyət və Sənətkarlıq üzrə Bakı Dövlət Peşə Təhsil Mərkəzinin müəllimi Anar Fərzəliyev cəlb edilib.
‘Leya Couture” MMC-nin istehsalat bazasında həyata keçirilən praktiki imtahanda yüksək nəticə göstərmiş ərizəçilər sözügedən peşə ixtisası üzrə diplomla təltif olunacaqlar.
