Xəbərlər
Təhsildə Keyfiyyət Təminatı Agentliyi tərəfindən “Aşpaz” peşə ixtisası üzrə qeyri-formal və informal yollarla bilik, bacarıq, səriştə və təcrübə əldə etmiş vətəndaşlar üçün test imtahanı təşkil olunub.
Sözügedən imtahanda iştirak etmək üçün paytaxtla yanaşı, digər regionlarda da bu sahə üzrə fəaliyyət göstərən vətəndaşlar müraciət ediblər.
Biliyin qiymətləndirilməsi mərhələsində yüksək nəticə göstərmiş ərizəçilər bacarıq, səriştə və təcrübələrin qiymətləndirilməsi mərhələsi olan praktiki imtahanda iştirak etmək hüququ əldə edəcəklər. Beləliklə, yekunda uğurlu nəticə əldə edən ərizəçilərə “Aşpaz” peşə ixtisası üzrə təhsil sənədi təqdim olunacaq.
