Xəbərlər
Tacikistan Respublikasının Təhsil Nazirliyi və müxtəlif təhsil qurumlarını təmsil edən nümayəndə heyətinin Azərbaycana səfəri çərçivəsində 30 avqust 2023-cü il tarixində Təhsildə Keyfiyyət Təminatı Agentliyində görüş keçirilib.
Görüşdə qonaqları salamlayan Agentliyin İdarə Heyətinin sədr müavini Kamran Rəsulov TKTA-nın fəaliyyət istiqamətləri haqqında məlumat verərək hazırda görülən işlərdən danışıb. Keyfiyyət departamentinin direktoru İlham Hümbətov isə ali təhsil müəssisələrinin akkreditasiya qiymətləndirməsi ilə bağlı TKTA-nın təcrübəsini paylaşıb.
Daha sonra ümumtəhsil müəssisələrində keyfiyyət monitorinqi barədə təqdimat edilib və bu sahədə görülən işlər və monitorinq mexanizmi barədə ətraflı məlumat verilib.
.jpg)
